Mannkostamenntun er vaxandi menntastefna sem meðal annars OECD hefur tekið upp. Sú menntastefna setur ekki aðeins markið á að öðlast þekkingu heldur einnig að þroska ábyrga manngerð nemenda. Á þessu málþingi Farsældar eru saman komin sterkur hópur fagfólks sem ætlar að segja frá kjarna stefnunnar og notkunarmöguleikum. Sjá hér dagskrána.

Þann 4. maí síðastliðinn var Farsæld formlega samþykkt inn í alþjóðasamtök húmanista - Humanists International (HI) og tengist nú  fjölskyldu yfir 120 félaga húmanista í yfir 60 löndum víða um heim. 

Tilgangur samkeppninnar er að örva ungt fólk til vandaðrar siðferðilegrar hugsunar og skrifa um álitamál í samtíðinni og veita þeim jafnframt tækifæri til viðurkenningar og birtingar á ritverki sínu. Vilhjálmur Árnason, próf. emeritus er verndari keppninnar. Síðasti skiladagur er sun. 10. maí og verðlaunaafhending er fös. 29. maí kl. 15:50 í Sögu. 

Föstudaginn 20. mars kl. 20:00 mun Sævar Finnbogason heimspekingur halda utan um hressilega umræðu um eðli gervigreindar og áhrif hennar á samfélagið. 

Þetta er ný netfundasería hjá félaginu. 

Teams-hlekkur

Í gær þann 15. mars 2026 hélt Farsæld sinn fyrsta aðalfund frá stofnfundi þess þann 23. mars 2025. 

Farið var yfir helstu viðburði í uppbyggingu félagsins en sú þróun hefur gengið hratt fyrir sig því við stjórnvölinn og í athafnastjórahópi félagsins er einvala lið með mikla þekkingu og reynslu. 

Inngönguferli í Humanist International gengur vel og umsókn félagsins um skráningu hjá ríkinu er í nefnd. 

Við fengum ljóðalestur og söng en efst á baugi aðalfundarins var veiting heiðursviðurkenninga og tjáning þakklætis til til þriggja húmanista fyrir mikilvæg störf í þágu húmanismans á Íslandi.